Кытай менен Россия эки өлкөнүн стратегиялык коопсуздук кызыкчылыктарына тиешелүү маселелер боюнча терең пикир алмашууну өткөрөт. Бул тууралуу Кытайдын Тышкы иштер министрлигинин басма сөз катчысы Мао Нин бүгүн, 18-сентябрда Пекиндеги ведомстволук маалымат жыйынында Россияда өтүп жаткан стратегиялык коопсуздук маселелери боюнча кытай-орус консультацияларынын 18-раундун комментарийлеп жатып айтканын NazarNews маалыматтык агенттигине кытайлык CCTV plus агенттиги билдирди. 

“Кытай менен Россия жаңы доордо ар тараптуу стратегиялык кызматташуу боюнча бири-биринин эң ири коңшулары жана өнөктөштөрү, ошондой эле БУУнун Коопсуздук Кеңешинин туруктуу мүчөлөрү жана өнүгүп келе жаткан рыноктору бар алдыңкы өлкөлөр. Эки өлкө өз ара кызыкчылык туудурган негизги стратегиялык жана жалпы маселелер боюнча ырааттуу тыгыз байланыштарды сактап келет. КПК Борбордук Комитетинин Тышкы иштер комиссиясынын Аппаратынын жетекчиси Ван Инин Россияга болгон бул сапары стратегиялык коопсуздук маселелери боюнча кытай-орус консультация механизминин алкагында пландаштырылган иш-чара болуп саналат. Ал эки мамлекеттин башчылары жетишкен маанилүү консенсусту ишке ашырууга, эки тараптуу мамилелерди өнүктүрүүгө көмөктөшүүгө жана эки өлкөнүн стратегиялык коопсуздук кызыкчылыктарына тиешелүү маанилүү маселелер боюнча терең пикир алмашууга багытталган”, - деди Мао Нин.

Булак: NazarNews.kg