Кечээ, 7-февраль күнү Казакстандын Жамбыл облусунун Кордай районуна караштуу Масанчи жана Сарытөбе айылдарында жергиликтүү казактар менен дуңгандар арасында жапырт мушташ болгон. Бул боюнча, Казакстандын президенти Касым-Жомарт Токаев мушташка байланыштуу пикирин "Твиттер" баракчасына жазып чыкты.

"Кордай районунда бейбаштык өңүттөгү жапырт мушташ болду. Аны чагымчылар өз пайдасына пайдаланууну көздөгөн. Полиция жагдайды тартипке салып, өз көзөмөлүнө алды. Коомдук тартипти бузгандар жоопко тартылат”,-деп билдирди.

Ушул тапта, Кордайдагы массалык мушташка байланыштуу полиция учурда териштирүү иштерин жүргүзүп жатканы белгилүү болду. Ал эми, укук коргоо органдары мушташка эмне себеп болгонун кабарлаша элек.

Жамбыл облысы Қордай ауданында бұзақылық сипаттағы жаппай төбелес болды. Оны арандатушылар өз пайдасына қолданбақ болған. Полиция жағдайды реттеп, өз бақылауына алды. Қоғамдық тәртіпті бұзғандар жауапкершілікке тартылады.

— Qasym-Jomart Toqayev (@TokayevKZ) February 7, 2020

Эске салсак, Масанчи менен Сарытөбе Кыргызстан менен чек аралаш аймакта, Токмок шаарына тушташ жайгашкан Казакстандын айылдары. Буга байланыштуу, Кыргызстандын Чек ара кызматы, Кордай районундагы кыргыз-казак чек арасында кайтарууну күчөттү.

 Булак: NazarNews.kg