Жогорку Кеӊеште Өкмөт менен Грузия Өкмөтүнүн ортосундагы Инвестицияларды колдоо жана өз ара коргоо жөнүндө макулдашуу боюнча ратификациялык мыйзам долбоору каралып, анын концепциясы добуш берүүгө жөнөтүлдү.

Экономика министри Арзыбек Кожошевдин айтымында, акыркы жылдары Кыргызстан менен Грузиянын товар жүгүртүү 6,4 млн долларга чейин жогорулады, анын ичинде экспорт көлөмү – 2,5 млн доллар. «Бул келишим өлкө экономикасына Грузиядан инвестиция тартууга жана анын корголушуна жол ачып, ар кандай тобокелчиликтерди азайтат», - дейт ал.

Белгилей кетсек, Кыргызстан Грузиядан минерал сууларын, фармацевдик өнүмдөрдү, электр жылыткычтарын импорттойт.

Булак: NazarNews.kg