Жаңы окуу жылынын башталышы менен (1-класс үчүн) дагы 150гө жакын мектепте ысык тамак бериле баштады. Бул тууралуу Билим берүү жана илим министрлигинин басма сөз кызматы билдирет.

Маалыматка ылайык, министрлик Дүйнөлүк азык-түлүк программасынын 2022-жылга чейин бардык башталгыч класстарды ысык тамак менен камсыз кылуу боюнча иш-аракеттеринин алкагында 100дөй мектепте ысык тамак бере баштады. Мындан сырткары жергиликтүү бийлик жана ата-энелердин жардамында дагы 50дөй мектепте ысык тамак уюштурулган.

Биринчи чейректе мектепке 1-класстын окуучулары гана баргандыктан, БУУ ДАТП балдардын ысык тамагына деп Кыргызстандын 249 мектебине байытылган ун жеткирип берди.

Булак: NazarNews.kg