Кыргызстанда калктын саны 6,5 млн адамга жетти
Саясат  |   |  836

Кыргызстандын калкынын жылдык орточо саны 2020-жылдын 1-январына карата 2,1% өсүп, өткөн жылдын ушул мезгилине салыштырганда 6 млн 456,5 миң адамды түздү. Бул тууралуу өкмөттүн басма сөз кызматы билдирди.

Улуттук статистикалык комитеттин маалыматы боюнча калктын жаш курактык түзүмүндө эмгекке жарамсыз курактагы жарандардын үлүшү 34,3 %, эмгекке жарамдуулар – 57,9 % жана эмгекке жарамдуу курактан жогорку жаштагылар – 7,8%. 

2019-жылдын 11 айында төрөлүү көрсөткүчү 2018-жылдагы деңгээлде калып, 1000 адамга 26,9 түзгөн. 

Калктын жалпы өлүмдүүлүк көрсөткүчү кыскаруу тенденциясына ээ болуп (1,9%), 1000 адамга 5,1 түздү.

Булак: NazarNews.kg

Поделитесь с друзьями