Кыргызстандагы күч түзүмдөрүнүн ичинен декреттик өргүүгө чыккан эркек кызматкерлеринин көпчүлүгүн прокуратура органдарынын кызматкерлери түзөт. Бул тууралуу депутат Урматбек Самаев парламенттин Укук тартиби, кылмыштуулукка жана коррупцияга каршы күрөшүү комитетинин 18-майдагы жыйынында билдирди.

Анын айтымында Токмокто эркек киши 3 жылдык декреттик өргүүгө кеткен. Эл өкүлү башкы прокурордон 2019-жылы канча прокурор бала кароо үчүн декреттик өргүүгө кеткенин сурады.

Башкы прокурор Өткүрбек Жамшитовдун айтымында, былтыр үч жумушчу декреттик өргүүгө кеткен. «Мыйзам боюнча декреттик өргүү сурагандарга  каршылык көрсөтө албайбыз. Кызматкерлер келип: "Аялым төрөдү, жумушка кайтты, баланы  карашым керек" дешет. Биз жок деп айта албайбыз, - деп баса белгиледи ал.

Булак: NazarNews.org