Кыргызстандын волейбол боюнча улуттук курама командасы бүгүн 2019-жылдын Борбордук зонасындагы командалар арасында Азия чемпиондугунун финалына чыкты. Турнир Непалдын борбору Катманду шаарында өтүп жатат.

22-августта жарым финалда биздин кураманын оюнчулары бул зонанын учурдагы чемпиону Түркмөнстандын курамасы менен беттешип, 3 сетте тең жеңишке жетишти.

Эске салсак, Кыргызстандын курама командасы тайпалык баскычта Непал менен Мальдив аралдарынын курама командаларын уткан. Эми финалдык беттеш 24-августта болмокчу. Анда курама командабыз Мальдив аралдары менен Өзбекстан беттешинин жеңүүчүсү менен беттешмекчи. Волейбол боюнча курама командабызга ийгилик гана каалайбыз!

Булак: "NazarNews.kg"