Бүгүн, 25-июлда, Техас штатындагы Хьюстон шаарындагы Кытайдын Башкы консулдугунун кызматкерлери АКШнын талабы боюнча имаратты таштап чыгып кетишти. Бул тууралуу Associated Press кабарлады.

Ага жооп катары Кытай кечээ, 24-июлда АКШдан Сычуань провинциясындагы Чендудагы консулдугун 72 сааттын ичинде жабууну талап кылды. AP билдиргендей, АКШнын федералдык кызматынын бир катар кызматкерлери имаратка Кытай дипломаттарынын унаасы менен консулдуктун аянтчасынан чыгып кетишкен.

21-июлда Вашингтон Пекинден Хьюстондогу консулдугун 72 саатка жабууну талап кылды. АКШнын мамлекеттик катчысынын орун басары Стивен Бигендин айтымында, консулдук АКШнын технологиясын уурдап жана студенттерди алмашуу программасын туура эмес колдонуудан улам жабылып жатат. Ошондой эле консулдук кызматкерлеринин жүрүм-туруму стандартка жооп бербейт деп айтылды.

Кытай Тышкы иштер министрлигинин өкүлү Ван Вэньбинь Хьюстондогу консулдуктун бир тараптуу кыска мөөнөткө жабылышы АКШнын Кытайга каршы акыркы аракеттеринин болуп көрбөгөндөй күчөшү болду деп билдирди.

АКШ Кытайдан консулдуктун жабылышына жооп бербөөгө үндөдү. АКШ Хьюстондо Кытайдын дипломатиялык миссиясы интеллектуалдык менчикти жана америкалыктар жөнүндө маалыматты коргоо максатында жабылгандыгын белгиледи.

Белгилей кетүүчү нерсе, Америка Кошмо Штаттары Кытайдан консулдукту жабууну талап кылгандан кийин, Хьюстондогу дипломатиялык миссияда өрт дабылы угулуп, ал жерден түтүн чыга баштады. Өрт өчүргүчтөр келгенде, аларда баары жайында, эч жерде өрт болгон жок деп айтышты. Мындан көрүнүп тургандай, кытайлар айрым маанилүү маалыматтарды өрттөп, жок кылышкан.

Суннатилла Абдуллаев, Ташкент

Булак: NazarNews.kg