Мындан ары Орусиянын маанилүү тармактары Батыштын технологиясынан, инвестициясынан көз каранды болушуна жол бербөө керек. Бул тууралуу өлкөнүн тышкы иштер министри Сергей Лавров "Радио и телевидение Республики Сербской" телерадиокомпаниясына маек куруп жатып айтканын РИА Новости жазды.

Анын айтымында, Орусия азыркы кырдаалдан жакшы сабак алууда.

"Бул адамдарга таянып болбойт. Албетте, алар менен таптакыр байланышты токтотуп койбойбуз. Кыйчалыш мезгил да өтөт, эмне дээрин көрөбүз. Бирок мындан ары өлкөнүн маанилүү тармактары Батыш мамлекеттеринин инвестициясынан, технологиясынан көз каранды болушуна жол бербешибиз керек", — деди Лавров.

Эске салсак, Орусия Украинага каршы согушту 24-февралда баштаган. Путин анын максаты "сегиз жылдан бери Киев режиминин басмырлоосуна, геноцидине кабылып келгендерди коргоо" жана бул үчүн "Украинаны демилитаризация жана денацификация" жасап жана Донбасстагы "жай жашоочулардын канына забын болгондорду" аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Ошондон кийин АКШ жана НАТО өлкөлөрү Орусияга карата буга чейин болуп көрбөгөндөй катаал санкциялык чектөөлөрдү киргизген. Москва Батыштын мындай аракетин "экономикалык согуш" деп атоодо.

Үч айдан ашкан согушта эки тараптан тең аскерлер жана жайкын тургундардан миңдеген курмандыктар катталды. 

Булак: NazarNews.kg