Украинадагы деназификация орус тилдүү калкты басмырлаган бардык мыйзамдарды жокко чыгарууну билдирет. Бул тууралуу Орусиянын тышкы иштер министри Сергей Лавров бүгүг, 18-мартта  RT телеканалына берген маегинде билдирди.

«Албетте, деназификация дагы биздин абсолюттук талабыбыз. Бул нацисттик идеологияны жана практиканы кубаттаган мыйзамдарды жокко чыгарууну гана талап кылбастан, орус тилдүү калкты жана орус тилдүү калктын бардык укуктарын басмырлаган бардык мыйзамдарды жокко чыгарууну да билдирет. Алар Украинада фантастикалык дискриминацияны баштан кечиришти», - деди Лавров.

Ал ошондой эле украин саясатчылары этникалык орустарды өлкөдөн чыгарууну жактап жатканын белгиледи.

«Украинадан орустарды кууп чыгуу идеясы дагы эле бул өлкөдөгү саясатчылардын оюнда бар. Мисалы, Олег Тягнибокту (Украинанын улутчул Свобода партиясынын лидери) алалы, бул радикалдык партия. Ал өзү айткандай, де-русификациянын зарылдыгы жөнүндө айтат. Анын айтымында, де-орусификация Украинада этникалык орустар өздөрүнүн өзгөчөлүгү, тили жана тарыхы болбошу керек дегенди билдирет», - деди ал.

Бирок, Орусиянын Тышкы иштер министрлигинин башчысынын айтымында, учурдагы тең салмактуулукту жакшыраак түшүнүү үчүн Украинанын президенти Владимир Зеленскийдин өзүнүн билдирүүлөрүн эске салуу керек.

«Мен буга чейин эле ультра радикалдар орустарды Крымдан чыгарууга чакырганын айткан элем жана өткөн жылдын сентябрь айында президент Зеленский мындай деген: «Эгер сен өзүңдү орусмун деп ойлосоң, орус болгуң келсе, Орусия менен дос болгуң келсе, сураныч, Орусияга кетиңиз». Муну ал бир нече ай мурун эле айткан», - деди ал.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg