Лондондогу Лестер-сквер аянтына Гарри Поттердин айкели тургузулду.

Шыпыргы менен учуп бараткан сыйкырчынын айкели колодон жасалган. Ал кинодогу Гарринин образын жараткан Дэниел Рэдклиффке окшош. Айкелдеги сыйкырчыга квиддич оюнунун кийими кийгизилген жана «Нимбус-2000» шыпыргысына отургузулган.

Эске сала кетсек,Лестер-сквер аянты «Одеон» кинотеатрынын жанында жайгашкан. 2001-жылы дал ушул аянтта «Гарри Поттер» тасмасынын премьерасы өткөн.

Белгилей кетсек, Гарри Поттер жөнүндө жети томдон турган китеп 1997-жылдан 2007-жылга чейин басылып чыккан. 450 млн нуска китеп басылып чыгып, 79 тилге которулган. Чыгарманын негизинде тасма тартылган.

Булак: NazarNews.kg