Беларус президенти Александр Лукашенко орус президенти Владимир Путин НАТО менен түз кагылышууну көздөбөй турганын айтып, Батышты муну болтурбоо үчүн бардыгын жасоого чакырды.

«Кыязы, ал (Путин) НАТО менен глобалдык тирешүүнү каалабайт. Муну колдонуңуз жана муну болтурбоо үчүн бардыгын жасаңыз. Болбосо, Путин муну каалабаса дагы, аскерлер реакция кылат», - деди Лукашенко. 

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg