Бүгүн, 20-сентябрда күндүзгү саат үчтөр чамасында милицияга М.Фрунзе заводунун аймагына бомба коюлгандыгы тууралуу анонимдүү маалымат келип түшкөн, деп билдирди Ленин РИИБдин басма сөз кызматы.

Окуя болгон жерге райондук милиция жана Бишкек шаардык ички иштер башкы башкармалыгынын тергөө-ыкчам тобу жөнөп кетти.

Укук коргоочулар заводдо болгон жарандарды эвакуациялап, ошондой эле аймакты курчоого алышкан. Мындан тышкары, УКМКнын кызматкерлери да аталган аймакка келди.

Учурда күч органдары издөө жана текшерүү иштерин жүргүзүүдө. Милиция кийинчерээк маалымат берүүнү убада кылды.

Булак: NazarNews.kg