Бешиктеги баланын,

Бек болоорун ким билсин?

Тагдыр буйруп экөөнүн,

Дос болоорун ким билсин?

 

Карыз акча уурдалып,

Жок болоорун ким билсин?

Премьерлер камалып,

Сот болоорун ким билсин?

 

ТЭЦ кашайып чилдеде,

Жарыларын ким билсин?

Он төрт миңге бир кычкач,

Алынарын ким билсин?

 

Гектар, гектар жерлердин,

Сатыларын ким билсин?

Албек доско кылмыш иш,

Ачылаарын ким билсин?

 

Шайтан напси Сапарга,

Жармашарын ким билсин?

Ак үй..,тобоо.., түрмөгө,

Алмашарын ким билсин?

 

Жаңы келген журт башы,

Курч чыгарын ким билсин?

Достукту эмес чындыкты,

Туу тутарын ким билсин?

 

Маматкадыр Тиллебаев, акын

 

Булак: NazarNews.kg