Ырас, биз 120 эле депутатты шайлаганбыз. Бирок мандат тапшыруулар, анан алардын ордуна келгендер болуп атып бул чакырылыштын депутаттарынын саны арбып баратат. Ооба, 120 эле депутат иштеп атат деӊизчи, бирок кеткендер деле «депутат болгонбуз» деген дымагын кошо ала кетишүүдө.

Бул мандат тапшыруу «дарты» жакында токтобойт окшойт. Дегеним, Жогорку Кеңештеги КСДП фракциясынан дагы 3-4 депутат  мандатын тапшырат деген сөздү уктук. «Кимдер болду экен?» деп кызыгып турабыз. Бизге кеткен депутаттар эмес, келе тургандары кызык эй. Мандат тапшыруу акыркы убакта майке алмаштыргандай эле болуп баратат.

Жылаӊач калбасак болду эми…

Булак: "Мантыш"