Бүгүн, 22-апрель күнү кыргыздын чыгаан төкмө акыны Элмирбек Иманалиевди акыркы сапарга узатуу зыйнаты өтүүдө.

Саат 09:30да башталган митинг, 10:30 да андан ары акындын сөөгү "Ала-Арча" көрүстөнүнө коюлат.

Маркум менен коштошуу үчүн жакындары, үзөңгүлөштөрү болуп жалпы саны 200дөн ашык адам келди.

Белгилей кетсек, КРнын Эл артисти, белгилүү төкмө акын, ырчы Элмирбек Иманалиев 19-апрелде ооруканага түшүп, 20-апрель күнү каза болгон.

Эске сала кетсек, "Ала-Арча" көрүстөнүнө белгилүү инсандарынын сөөгү бир гана өкмөттүн уруксаты менен коюлат. Союз убагынан бери "Ала-Арча" көрүстөнүндө Кыргызстандын миңге жакын белгилүү инсандарынын сөөктөрү коюлган.

Булак: NazarNews.kg