www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

"Маркум өзү ага балка берип". Бишкекте пенсионерди кылмышкер балка менен башка чаап өлтүргөн

Журналист: ЗАРЕМА ЖУМАНАЗАРОВА
17.07.2020, 15:13
8705
|

Бишкек шаарынын Свердлов райондук соту 43 жаштагы А.Т.ны пенсионердин өлүмүнө күнөөлүү деп тапты. Бул тууралуу соттун өкүмүндө маалымдалды.

Белгилегендей, ал адам маркум менен көптөн бери тааныш болчу. Окуя болгон күнү ал анын мискейин (кастрюля) оңдоого келген, ошол кезде экөөнүн ортосунда кайым айтышуу болгон. Жаңжал учурунда соттолуучу пенсионерди балка менен башка чапкан.

“Аял алган жаракатынан улам көз жумган. A.T. пенсионердин топтогон 52 миң сом өлчөмүндөгү акча каражатын алып кетип калган. Бир күндөн кийин айыпталуучу милицияга өзү барып, пенсионерди өлтүрүп койгонун айткан. 

А.Т.нын берген түшүндүрмөсүнө ылайык, маркум өзү ага балка берип, андан кийин аны менен урушуп баштагандан кийин, түртүп жиберген. Ошол учурда ал аны бир нече жолу курал менен башка урган. Андан кийин анын өлүп калганын тамыры аркылуу билген. Унаасынын ачкычын таап, ал жерден кетип, андан кийин милицияга барган”, – деп айтылат соттун өкүмүндө.

А.Т. адам өлтүрүүдөн тышкары “Каракчылык”, “Башка адамдардын мүлкүн жок кылуу же зыян келтирүү”, “Документтерди жасалмалоо” беренелери боюнча күнөөлүү деп табылды.

Тергөөнүн маалыматы боюнча, А.Т. Казакстандан сүт азыктарын ташуучу компаниянын директору болгон. Сот А.Т.ны 17 жылга эркинен ажыратты.

Булак: NazarNews.kg



Поделитесь с друзьями