Чүй облусунун Сокулук районунда адамдын ден соолугуна оор залал келтирген шектүү кармалды. Бул тууралуу Чүй ОИИБдин басма сөз кызматы билдирди.

Милицияга арыз менен жабырлануучунун күйөөсү кайрылган. Анын айтымында, 25- февралда Национальное айылындагы үйүнө Б.К. аттуу коңшусу мас абалында кирип барып, анын жубайынын (1969-жылы туулган С.Д.) денесине бычак менен оор жаракат келтирген.

Жабырлануучу аймактык ооруканага жеткирилген. Аталган факт боюнча Чүй облусунун Сокулук РИИБи КР Кылмыш-жаза кодексинин 130-беренеси (ден соолукка оор залал келтирүү) менен иш козгоп, 1969-жылы туулган Б.К. аттуу шектүүнү убактылуу кармоочу жайга киргизди.Тергөө уланууда.

Булак: NazarNews.kg