Мелдешке республиканын бардык аймактарынан келген командалар катышып, бүйүр кызыткан, кызыктуу оюндарды өткөрүштү. «Назарньюс» маалыматтык  порталынын билдиргенине караганда, жыйынтыгында кыз-келиндер арасында кубокко Ош мамлекеттик университетинин командасы ээ болсо, ал эми эркектер арасында жеңишти Жалал-Абад облусунун жигиттери багындырды. 

Жогорку Кеңештин депутаты жана Кыргыз Республикасынын волейбол федерациясынын президенти Эльмурза Сатыбалдиев мелдешке катышкан бардык спортчуларга ыраазычылык билдирип, спорт тармагы анын ичинде кыргыз волейболу жылдан-жылга өнүгүп-өсүп жатканын баса белгиледи.  Жыйынтыгында жеңүүчүлөргө кубок, тиешелүү даражадагы диплом жана акчалай сыйлыктар тапшырылды.  Бишкек шаарында эркектер жана кыз-келиндер арасында Кыргыз Республикасынын волейбол федерациясынын президентинин клубдар аралык мелдеши уюштурулду. 

Азизбек КЕЛДИБЕКОВ, NazarNews.kg