«Мекеним Кыргызстан» партиясынын талапкери сабалганы тууралуу маалыматка Элнура Алканова түшүндүрмө берди
Саясат  |   |  2032

«Мекеним Кыргызстан» саясий партиясынын талапкери Зафар Айдаров сабалганы тууралуу маалымат чындыкка жатпайт. Бул тууралуу журналисттерге партиянын өкүлү Элнура Алканова билдирди.

«Азыркы учурда Айдаров шайлоочулар менен Кара-Сууда жолугушууда жүрөт экен. Андай маалыматтар (сабалды деген) жалган. Таптакыр андай нерсе болгон жок», – деди Алканова.

Ош облустук ички иштер башкармалыгы да талапкердин сабалышы боюнча эч кандай кайрылуу түшпөгөнүн билдирди.

Эске сала кетсек, 15-сентябрь күнү Кудрет Тайчабаров аттуу «Фейсбук» колдонуучу “Ошто Зафар 10 чакты баласы менен сабалды”  деп жазган.

Булак: NazarNews.kg

Поделитесь с друзьями