“Дордой” базарынын жанындагы конушта жашаган муктаж үй-бүлөлөргө мамлекеттен ун таратуу тууралуу видеодогу кызматкерлер аныкталып, аларга сөгүш жарыяланды. Бул тууралуу 7-апрелде Бишкек мэриясынын аппарат башчысы Балбак Түлөбаев “Фейсбуктагы” өзүнүн баракчасына билдирди.

Ал Муниципалдык аймактык башкармалыктын (МАБ) кызматкерлери барган конуштун тургундары менен өзү жолугуп, кечирим сураганын, ун таратылганын айтты:

“МАБдын ушундай мамиле кылган кызматкерлерине жана жетекчисине сөгүш жарыяладык. Акимге эскертүү бердик. Мыйзам чегинде жазасын алышат. Мындайды болтурбоого болгон күч-аракетибизди жумшайбыз”, - дейт Балбак Түлөбаев.

Эске сала кетсек, 6-апрелде Интернетте бир короодо батирде жашаган бир нече жакыр үй-бүлөгө жардам таратуу учуру чөнтөк телефонго тартылган видео тараган. 

Булак: NazarNews.kg