“Антошка” кафесинде эки газ баллон жарылган. Бул тууралуу Бишкек ШИИББинен билдиришти.

Маалыматка караганда, бүгүн болжол менен саат 13:45 чамасында патрулдук кызматтын кызматкерлери “Ала-Тоо” кинотеатрынын жанында жарылууну жана ага удаа өрт чыкканын көрүшкөн. Кызматкерлер ошол замат жарандардын коопсуздугун камсыз кылууга байланыштуу тиешелүү аракеттерди көрүшкөн. Кафенин кардарларын эвакуация кылууну уюштуруп, өрт чыккан жер курчалган.

Учурда окуя болгон жерде Биринчи Май РИИБинин тергөө тобу иш алып барып жатат.

Булак: NazarNews.kg