Быйыл электр энергиясынын тарифи өзгөртүүсүз калтырылды. Бул туурасында биринчи вице-премьер-министр Азиз Алиев билдирди.

Анын айтымында, кечээ, 30-октябрда, министрлер кабинети тарифтик саясаттын планын бекитти. Ал эми бийик тоолуу аймактарда жашаган калк үчүн 700 киловаттык чек алып салынганын белгиледи. Эми 77 тыйындык тариф менен гана пайдаланышат.

Бирок 2022-жылдын июнь айынан тарта тариф болжол менен 7-10 пайызга жогорулай турганын кошумчалады.

«Энергетика тармагынын жалпы карызы 129 миллиард сомдон ашат. Мындай жол менен кете берсек, энергетикалык секторду талкалап алабыз. Андыктан өзүн-өзү актай турган тарифти киргизүү каралды», — деди Аалиев.

Энергетика жана өнөр жай министри калк үчүн коюлган чектөө да 700дөн 1000 киловаттка көтөрүлгөнүн белгиледи.

Булак: NazarNews.kg