Балким, биз бай адамдар үчүн электр энергиясына болгон тарифти жөнөкөй жарандарга караганда жогорулатууну суранарбыз, - деди бүгүн экономика жана каржы министри Акылбек Жапаров "Коомдук диалог: Жаңы экономикалык саясат" конференциясында.

«Эгерде биз энергетика тармагындагы туура жана экономикалык жактан максатка ылайыктуу тариф саясатына барбасак, мунун баары бизди туңгуюкка алып барат. Ошондуктан, бай класс үчүн, балким, өзүн-өзү актай турган тарифтер болот, орто катмар үчүн - тарифтердин өсүү темпи инфляцияга, доллардын курсуна жана башкаларга жараша болот жана жакыр калк үчүн компенсация беребиз. Менин оюмча, социалдык тарифтер айынан келечекте экономиканын ичинде дисбаланс болбошу керек», - деди министр.

Белгилей кетсек, буга окшош тарифтерди ар башка кылуу ушул жазда сунушталган. Андан кийин Энергетика жана өнөр жай министрлиги керектелген электр энергиясынын киловатт-сааты үчүн 1,48 сомдук тарифти белгилөөнү сунуштап, жакырлар үчүн өзгөчө абалды пландаштырылган. Аларга тарифти өзгөртпөө сунушталган. Бирок бир топ нааразычылыктардан кийин бул иш ташталды.

Булак: NazarNews.kg