www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Балдарга арналган ишеним номерге көбүнчө ата-энелер кайрылган.
Эмгек, социалдык камсыздоо жана миграция министрлиги жыл башынан бери балдарга арналган 111 ишеним номерине 32 миңден ашык чалуу түшкөнүн кабарлады.
Маалыматта кайрылгандардын 24,1 пайызы жаш балдар болсо, калган 74 пайызы ата-энелер экени айтылат.
"Психолог адистер телефон аркылуу күнү-түнү кызмат көрсөтүшөт. Алар жарандарга кеңеш берип, журналга каттап, кайрылуунун мүнөзүнө жараша тиешелүү уюмдарга жана мекемелерге жөнөтүшөт", — деп билдирди ведомство.
Чалгандардын ар бир үчүнчүсү жөлөк пулдарды дайындоо жана төлөө, персоналдык ассистенттин кызматы, балдарга мамлекеттик депозитти тариздөө, бала асырап алуу, майыптыгы бар адамдарга жол кире үчүн жеңилдиктер, майыптыкты узартуу жана башка ушул сыяктуу жардам сурап кайрылган.
Алардын 26,7 пайызы ата-энесине жана досторуна нааразы болуп ажырашуу, урушуу, жалгыздык, стресс, депрессия, апатия, паника чабуулдары, балдар жана неберелерди тарбиялоо, жакындары менен мамиле түзүү боюнча кеңеш сураган.
Ал эми жарандардын 16 пайызы гуманитардык жана каржылык жардамга, турак жай бөлүп берүүгө, туулгандыгы тууралуу күбөлүк же паспорт алууга, пенсияны кайра эсептетүүгө, психологдорду жана юристтерди издөөгө кызыкдар болушкан.
Калгандары үй-бүлөлүк зомбулук жана туугандарынын кайдыгерлиги боюнча кайрылган.
Булак: NazarNews.kg
< Предыдущий
Следующий >
Последние новости
