Жекшембиде Минскинин борборуна Александр Лукашенконун бийлигине каршы он миңдеген киши чогулду. Айрым эсептөөлөр боюнча акцияга 100 миңдей адам чогулду.

Бул жолу демонстранттар акцияны “Светлана Тихановскаянын элдик инагуруациясы” деп аташып, аны президенттик шайлоонун жеңүүчүсү катары сыпатташты.

"Интерфакс" посчитал, что сегодня в Минске протестовать вышло более 100 000 человек https://t.co/DcM0wmMD8H

— Чай з варэннем (@belteanews) September 27, 2020

Ал эми күбөлөрдүн айтымында, демонстранттардын колоннасы эки чакырымга чейин созулду. Алар бир нече саат бою Минскинин көчөлөрүндө жүрүш жасашты.

Таймлапс, с помощью которого можно оценить масштаб сегодняшнего протеста pic.twitter.com/pNCrGabc70

— Чай з варэннем (@belteanews) September 27, 2020

“Весна” укук коргоо уюмунун маалыматы боюнча жекшембиде Беларуста жалпысынан 200дөн ашуун киши кармалды. Алардын арасында бери дегенде эле үч журналист бар.

Белгилей кетсек, Борбордук шайлоо комиссиясы алтынчы жолу жеңди деп жарыялаган Александр Лукашенко 23-сентябрда ант берүү аземин коомчулукка жарыялабай, жашыруун өткөргөн.

Эске салсак, Евробиримдиктеги бир катар өлкөлөр, Британия, Украина, Канада жана АКШ Лукашенконун президенттикке киришүүсүн «мыйзамсыз» деп жарыялашкан. Анын алдында Европа парламенти Лукашенконун бешинчи президенттик мөөнөтү 5-ноябрда аяктагандан кийин аны Беларустун мамлекет башчысы катары тааныбай турганын билдирген. Лукашенко өтүп жаткан митингдер үчүн Батышты күнөөлөп келет.

Булак: NazarNews.kg