Россия тышкы коркунуч келип чыкканда Беларуссиянын коопсуздугун толугу менен колдойт. Бул тууралуу Беларусиянын Президенти Александр Лукашенко Коргоо министрлигинин Стратегиялык башкаруу борборунда өткөн жыйында билдирген эле. 15-августта Россиянын Президенти менен кырдаал жөнүндө узак сүйлөшүп көрдүк. Айтыш керек, мен анын болуп жаткан окуяларга арналганына бир аз таң калдым. "Биз анын биринчи өтүнүчүбүз Беларуссиянын коопсуздугун камсыз кылуу үчүн мүмкүн болушунча жардам берүү деп макулдаштык", - деди Лукашенко.

Ал Россия менен аскердик түзүлүшкө байланыштуу Биргелешкен Мамлекет Келишиминин жана Жамааттык Коопсуздук Келишим Уюмунун (ЖККУ) бар экендигин белгиледи.

"Бул шарттар ушул келишимге дал келет" деди Александр Лукашенко. Буга чейин Путин менен Лукашенко телефон аркылуу сүйлөшүп, Беларуссияда болуп жаткан нааразычылык акцияларын талкуулашканы кабарланган.

Ал эми Минск шаарынын борборунда жашап жаткан активист Аскат Тейит, учурдагы кырдаал тууралуу төмөнкүлөрдү билдирди.

-- Бүгүн, 16-августта Минск шаарында 70 миңге чукул президентти колдогон эл митингке чыкты. Президент Лукашенко эл менен жолугуп келгендерге ыраазычылык билдирип, "Силер мени коргогону келген жоксуңар, өз өлкөңөрдү колдогону келдиңер", деп айтты. Митинг учурунда атайын чагымчыл топ пайда болгону менен алар сылык-сыпаа гана сыртка чыгарылды. Мен ушул жерде бир чындыкты айтып койоюн, мугалим менен врачтар, катардагы калк жыйынга өздөрү келип кошулуп атты. Ал эми эр жүрөк, өз мамлекетине мыкты салым кошуп, экономикасын гүлдөтүп жаткан Лукашенко, чыккынчыларга өлкөнү бербей тургандыгын жыйында расмий айтты, деди Аскат Тейит.

Сүрөттө: Президент Лукашенкону колдогон митинг

Эске сала кетсек, 9-августта Беларуссияда президенттик шайлоо болуп өттү. Учурдагы президент Александр Лукашенко 80,1 пайыз добуш алып, алтынчы мөөнөткө кайрадан шайланды. Бирок ошол эле күнү Минск шаарында жана башка шаарларда нааразычылык акциялары башталды. Ошондон бери өлкөдө күн сайын нааразычылык акциялары болууда.

Суннатилла Абдуллаев, Ташкент

Булак: NazarNews.kg