Москвада кудукка түшүп кетип, эки кыргызстандык жаран каза таап, алардын өздүгү такталды. Бул тууралуу бүгүн 23-июнда Кыргызстандын Россиядагы элчилигинин басма сөз кызматынан кабарлашты.

Маалыматка караганда, Россиянын ӨКМнын маалыматы боюнча Москва шаарындагы Кунцево районундагы Боженко көчөсүндөгү агынды суулар топтолгон кудукта иштеп жатып, 5 киши каза тапкан. Алардын экөө Кыргызстандын жарандары болуп чыккан. Алар Ош облусунун: М.С. 1978-жылы туулган, М.А. 1967-жыл туулган.

Бүгүнкү күндө элчилик маркумдардын сөөгүн кичи мекенине жөнөтүү боюнча уруксат берүүчү документтердин үстүнөн иштеп жатат деп билдирет 5news.kg маалымат порталы.

Булак: NazarNews.kg