Москва шаарында белгилүү обончу жана ырчы Рыспай Абдыкадыровдун  ырларын аткарган таланттар арасында сынак болду. Бул тууралуу Кыргызстандын Россиядагы элчилиги билдирди.

Маалыматка ылайык, сынак "Ырдайлы, Рыспайдын ырларын" деп аталып, ага аткаруучулардан сырткары Москва шаарындагы кыргыз диаспорасынын коомдук уюмдарынын жетекчилери, активисттери жана КРдин РФтеги элчиси Аликбек Жекшенкулов катышкан.

Ал Абдыкадыровдун чыгармачылыгын өзгөчө белгилеп, сынактын уюштуруучуларына жана катышуучуларга элчиликтин ыраазычылык каттарын тапшырган.

Сынакка катышкан 32 талапкердин ичинен башкы орун Алмаз Ибраимов аттуу аткаруучуга ыйгарылган.

Булак: NazarNews.kg

.