Москвада Тажикстандын өтүнүчү менен 1981-жылы туулган З.Д. аттуу Кыргызстандын жараны кармалды. Бул тууралуу Тышкы иштер министрлигинин басма сөз кызматы билдирди.

25-февралда Кыргыз Республикасынын Россия Федерациясындагы элчилигинин кызматкери милиция бөлүмүнө барып, кыргызстандык жаранды кармоо фактысы аныкталган.

Учурда элчилик тарабынан жагдайды тактоо жана тез арада бошотуу боюнча ишчаралар жүргүзүлүүдө. Буга чейин маалымат каражаттары Замирбек Досматовдун кармалышы тууралуу жазып чыгышкан.

Анын бир тууганынын айтымында, ал чек арадагы башаламандыкка катышканы үчүн Тажикстанда издөөгө алынган. Бир тууганы Замирбек ал учурда чек арада эмес, Орусияда болгонун айтууда.

Булак: NazarNews.kg