Мотуевди унуткан жоксуңарбы?

Журналист: NAZARNEWS

28.11.2018, 21:41

19424

саясат

Патриот Нурлан Мотуевдин 1 жылдык жабык камера зона мөөнөтү бүтүп, кайра №32- жатак абакка келет. Кызыктын баары ушул жерде башталат. Мотуевге ак жерден жалаа жаап, кодулап кестирип ийген начальник Тимур Анаркулов инсульттун оор түрүнө кабылып, чалажан болуп калган экен.

Мындайды жаза кетирбеген Нукең да жөн калмакпы, тигини ачык эле табалап: “Ии, каргыш дубам тиет дедим беле. Зонага барсаң кара же кызылдарга малай “шнырь” болосуң го дечү элең. А мен блатной, борзый отуруп келдим. Мына гезитке сен жөнүндө президентке жазган катымды окуп кой”,- деп тигиге гезитти таштайт. Берки бечара кантсин, адатынча атырылып, чакчаңдап бир тиейин дейт.

Бирок, обширный инсульт деген тамаша эмес да. Экинчи жолу кармаса... үзүлүп кетүүсү мүмкүн да. Т.Анаркулов көздөрүн тез-тез ирмегилеп, шыбырап сүйлөп тим болот. Азыр ал № 32-жатак абакка и.о.начальник болуп капитан Самат Абдраев дайындалыптыр.

А Нукең жеңиштүү мадырайып басып жүрөт. Соцсеттеги инисинин баракчасынан көрдүк, Нукең “качканы” жакшы эле бериптир.

Деги, жүрөктү оорутпай тынч эле жүрчү.

Булак: “Майдан. kg”