Кыргызстандын муфтийи Максатбек ажы Токтомушев өлкөнүн тынчтыгы, элдин амандыгы үчүн 12-октябрдан тарта бардык дин кызматкерлерине Куран хатым кылууну милдеттендирди.

Ошондой эле коронавирус илдетинин көрсөткүчү кайрадан жогорулай баштагандыктан элдин амандыгын тилеп дуба кылуу максатында өлкө боюнча Куран окулат.

Белгилей кетсек, ар бир окулган Куран хатымды эсепке алуу Кыргызстан мусулмандар дин башкармалыгынын Аппарат жетекчиси Равшан ажы Эратовго тапшырылды.

Эскерте кетсек, Куран окуу иш-чарасына өлкөдөгү бардык Куран окууну билген жарандар катышса болот.

Булак: NazarNews.kg