www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Казакстандык дипломаттар мугалимге кол салуу иши боюнча камакка алынган Бауман атындагы Москва мамлекеттик техникалык институтунун аспиранты, казак жараны Жаслан Кудайбергенов менен жолугуп чыгышты.
Казакстан Тышкы иштер министрлигинин (ТИМ) басма сөз катчысы Айбек Смадияров кармалган жаранга атайылап ден соолукка зыян келтирүү айыбы тагылганын билдирди.
Анын айтымында, Кудайбергенов кеминде 30-августка чейин камакта болот. Учурда ал Москвадагы убактылуу кармоочу жайда кармалууда. «Адвокат менен байланыш түзүлдү. Анын кармоо шарттарына эч кандай нааразылыгы жок, ден соолугу жакшы», — деп кошумчалады басма сөз катчы.
29-июнда окуу жайдын мугалими башкы имараттагы кол салуудан кийин бычактан алган жарааты менен ооруканага жеткирилген. Анда жергиликтүү басылмалар кол салган адам качып кеткенин билдиришкен. Орусиянын мамлекеттик жаңылыктар агенттиги укук коргоо органдарындагы өз булактарына таянып, кол салган адамдын буга чейин окуу жайдан чыгарылган 1992-жылы туулган жаран экендиги аныкталганын жазган.
Июлдун башында Москванын Басман райондук соту Жаслан Кудайбергеновго карата 30-августка чейин камакка алуу бөгөт чарасын белгилегени белгилүү болгон.
Булак: "centralasian.org"
< Предыдущий
Следующий >
Последние новости
