Биз Кыргызстанда жашайбыз, мамлекеттик тил — кыргыз тили. Биз өзүбүз Жогорку Кеңеште тилибизди сыйлашыбыз керек. Бул тууралуу депутат Надира Нарматова 12-январда парламенттин жыйынында билдирди.

«Арабызда 90 депутаттын арасында бир дагы орус жараны жок. Биз өзүбүздү сыйлайлы андан кийин башкалардан талап кылалы.

Султанбай Айжигитов эки тилде тең эркин сүйлөйт. Анын үстүнө түз эфирди карапайым кыргызстандыктар карап турат, эгер зарылчылык болбосо, маселелерди мамлекеттик тилде талкуулаш керек», - деп кошумчалады ал.

Булак: NazarNews.kg