Орусияда эмгектенген кыргыз мигранттары шылуундарга алданып, жөн жерден камалып атат. Бул тууралуу депутат Нуржигит Кадырбеков Жогорку Кеңештин жыйынында билдирди.

Ыктыярчыларды тартып, мигранттардын укуктук аң-сезимин өстүрүү боюнча иштерди жүргүзүүнү сунуштаган Кадырбеков: “Орусияда доллар жаап аткансып 11-класты бүтөөрү менен ата-энелер балдарын жөнөтүп жатышат. Өткөн жылы алты айдын ичинде “наркотика таратты, сатты” деген айып менен 201 бала кармалыптыр. Алар ошол чөйрөдө жүрөт дейсизби? Болгону “жумасына 15-20 миң рублдан айлык беребиз” деген кулактандырууларга ишенип, шылуундардын торуна илинип калып, байкуш балдарга убал болуп жатат, - деди.

Белгилей кетсек, Жогорку Кеңеште мигранттардын анын ичинде Орусияда иштеген мигранттардын көйгөйлөрү байма-бай көтөрүлүүдө.

Булак: NazarNews.kg