www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Нарын районунун Эчки-Башы айылында Жусуп Иманалиев атындагы эски мектептин ордуна 225 орундук жаңы мектеп курулуп пайдаланууга берилди. Бир нече жылдан бери эски мектептин коопсуздугунан тынчсызданып келген айылдыктардын кубанычы чексиз.
Жаңы окуу жылын утурлап уюштурулган заманбап мектептин ачылышына Жогорку Кеңештин депутаты Чыныбай Турсунбеков жана жергиликтүү бийликтин өкүлдөрү катышты.
Мектептин ачылыш аземинде айтылган маалыматтарга караганда элдин өтүнүч талабын өкмөткө жеткирип, жаңы мектептин курулушуна каражат бөлдүрүүдө депутат Чыныбай Турсунбековдун аракети чоң болгон.
Жалпы суммасы 64 967,1 миң сом турган мектептин курулушу сапаттуу бүткөрүлгөн. Спорттук залы жана башка бардык ыңгайлуулуктары камтылган. «Экарас-5» курулуш компаниясынын куруучуларына ыраазычылыктар айтылып, райондук админстрациянын, айыл өкмөтүнүн Ардак грамоталары, ыраазычылык каттары тапшырылды.
Өз сөзүндө айыл калкын билим күнү менен куттуктаган Жогорку Кеңештин депутаты Чыныбай Турсунбеков жаңы мектептин курулушу менен жеткинчектерге билим-тарбия берүүнүн жаңы мүмкүнчүлүктөрү жаралганын айтуу менен заман шартына ылайык окутуунун сапатын жакшыртууга айрыкча көңүл буруу керектигине басым жасады деп билдирет Жогорку Кеӊештин Басма сөз кызматы.
Булак: NazarNews.kg
< Предыдущий
Следующий >
Последние новости
