www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстандын тарыхында бюджетте мындай 35 миллиард сомдук тартыштык болгон эмес. Бул тууралуу бүгүн, 23-ноябрда депутат Наталья Никитенко ЖКнын Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйынында учурунда 2020-жылдын бюджетинин долбооруна өзгөртүүлөрдү жана толуктоолорду киргизүү маселесин карап жатканда билдирди.
Эл өкүлү өкмөттүн жана парламенттин өкүлдөрү чоң милдеттерди жана жоопкерчиликти алып жатышат деп эсептейт.
“Абал оор, аны коомдон жашырууга акыбыз жок. 35 миллиард сомдук таңкыстыкты кайсы булактардан жабуу пландаштырылып жаткандыгын түшүндүрмө катта көрсөтүү керек”, – деди ал.
Каржы министри Кыялбек Мукашев 3,5 миллиард сомдук таңкыстык өткөн жылдан калган атайын каражаттардын эсебинен жабылат деп жооп берди.
“Тартыштыктын 35 миллиард сомунун 3,5 миллиард сомун жабасыз, калган 32 миллиард сомун кантип жабасыз?” – деп сурады депутат.
Министр тартыштык негизинен тышкы жардамдын эсебинен жабыла тургандыгын айтты.
Булак: NazarNews.kg
< Предыдущий
Следующий >
Последние новости
