Ноокат районунун Күндүү Дөбө айылында Ак-Буура дарыясына кулаган Hyundai Porter үлгүсүндөгү автоунаанын ичиндеги бир кишинин сөөгү табылып, төрт жашар баланы издөө уланууда. Бул тууралуу ӨКМ кабарлады.

Маалымат боюнча, окуя 14-сентябрда Ак-Терек — Папан — Кожокелең жолунда болгон. Машинанын ичиндеги үч адамдын бирөө тирүү калып, 64 жаштагы киши менен төрт жаштагы бала көз жумган.

"Кечээ, 17-сентябрь күнү, ӨКМдин 19 куткаруучусу тартылып, түштөн кийин эркек кишинин сөөгүн таап, туугандарына өткөрүп берди", — деп жазылат министрликтин маалыматында.

Министрлик бүгүн кичинекей баланын сөөгүн издөө иштери улантыларын кошумчалады.

Булак: NazarNews.kg