Коронавирустан улам Ноорузда ойноло турчу көк бөрү турнири өтпөй турган болду. Бул тууралуу Жаштар иши, дене тарбия жана спорт агенттигинен билдиришти.

Алардын билдиргенине караганда,  коронавирус кооптуулугунан улам ушундай чечим кабыл алынган. Буга байланыштуу 9-10-мартка белгиленген Алыш боюнча Кыргызстандын чемпионаты белгисиз мөөнөткө жылдырылган. Ал эми жыл сайын Нооруз майрамында боло турчу ат оюндары, анын ичинде көк бөрү боюнча республикалык турнир өткөрүлбөй турган болду.

Эске сала кетсек, 5-мартта Бишкектин Биринчи май райондук соту Бишкектин борборунда митинг жана тынчтык чогулуштарын өткөрүүгө 1-июлга чейин тыюу салган. Мунун себебин коронавирустун жайылуусун алдын алуу менен түшүндүргөн.

Булак: NazarNews.kg