Пекиндик окумуштуулар аялдар менен эркектер коронавирусту бирдей жуктуруп алышарын, бирок эркектер ооруну аялдарга караганда оор көтөрөрүн айтып чыкканын чет элдик маалымат булактар жазып чыкты.

Маалыматка караганда, эркек кишилердин аял кишилерге салыштырмалуу вирустан көп көз жумуп жаткандыгы январь айынын башында эле байкалган. Биологдор муну эркек кишинин өпкөсүндөгү клеткаларда вирус өнүгүү үчүн колдонгон рецептордун ACE2 молекулалары көп экени менен түшүндүрүшкөн.

Мындай өзгөчөлүктүн CoViD-19ду дарылоодо жана эпидемиянын жайылыш эволюциясын божомолдоодо эске алыш керек экендигин окумуштуулар белгилейт.

Булак: NazarNews.kg