Кыргызстанда сасык тумоого каршы сатып алынган вакцина толук колдонулганын Республикалык штаб кабарлады.

Маалыматка ылайык, биринчи этап менен препараттын 119 643 миң дозасы сатып алынып, аймактарга бөлүштүрүлгөн:

• Бишкек шаары — 27 000 доза;
• Чүй облусу — 24 000;
• Ош шаары — 5 000;
• Ош облусу — 18 000;
• Жалал-Абад облусу — 17 643;
• Баткен облусу — 9000;
• Ысык-Көл облусу — 9000;
• Нарын облусу — 5000;
• Талас облусу — 5 000.

Учурда вакцинанын 118 682 дозасы же 99,2 пайызы колдонулду. Октябрь айында сасык тумоого каршы вакцинанын дагы 770 миң дозасы келери күтүлүп жатат.

Эскерте кетсек, республиканын бардык Үй-бүлөлүк медицина борборлорунда жана фельдшердик-акушердик пункттарында тобокел тобуна киргендерге, ошондой эле социалдык аялуу катмардагы адамдарга сасык тумоого каршы акысыз вакцинация жасалууда.

Булак: NazarNews.kg