Өлкөдө коронавирусту жуктургандардын саны 94кө жетти

Журналист: ЗАРЕМА ЖУМАНАЗАРОВА

30.03.2020, 20:16

22178

коом

30-мартка карата Кыргызстанда коронавирусун жуктуруунун 10 жаӊы учуру аныкталды. Бул тууралуу Кубатбек Боронов бүгүнкү онлайн жыйында билдирди.

Анын айтымында, вирус жаңы аныкталган 10 адамдын баары Жалал-Абад облусунун тургундары.

Ошентип, өлкө аймагында коронавирусту жугузгандардын жалпы саны 94 адамга жетти.

Алар:

Жалал-Абад облусунда-50;

Ош облусунда-24;

Баткен облусунда-1;

Чүй облусунда-3;

Бишкек шаарында-7;

Ош шаарында-8;

Нарын облусунда-1 адам катталды.

Коронавирус аныкталган бейтаптардын ичинен: аялдарда – 53 учур, эркектерде – 41 учур.

Кубатбек Боронов өлкө жарандарын карантиндин шарттарын сактап, ооруну жайылтпоого салым кошууга чакырды.

“Өзгөчө абал жана өзгөчө кырдаал киргизилген аймактарда жарандар ээн-эркин көчөгө чыгып жатышат. Бул инфекциянын жайылышынын бирден-бир көйгөйү болуп жатат. Ошондуктан, бардык чектөөлөр аткарылышы керек” дейт Боронов.

Булак: NazarNews.kg