«Ата-Мекен» партиясынын лидери Өмүрбек Текебаев 2010-жылдын 7-апрелиндеги элдин максаттарынын көпчүлүгү ишке ашпай калганын айтып, ал үчүн күрөш уланат, деп билдирди. Бул тууралуу саясатчы партиялаштары менен Ала-Тоо аянтындагы Аксы жана Апрель окуяларында курман болгондорду эскерүү монументине гүл коюп жатып айтты.

«Партиялаштарымдын алдында, курман болгон баатырларды эскерип, таазим кылып отуруп, максаттар үчүн күрөш улана берерин жарыялайм. «Ата-Мекен» партиясы биз өзүбүздү азыркы бийликтин идеологиялык-моралдык, саясий альтернативасыбыз деп эсептейбиз», - деди Текебаев.

Ошондой эле, Текебаев 7-апрелде элдик бийлик орнотуу максаты болгонун кошумчалады.

Булак: NazarNews.kg