Жогорку Кеңештин мурдагы депутаты, “Ата-Мекен” партиясынын лидери Өмүрбек Текебаевдин жеригиликтүү басылмалардын бирине маек берип жатып, жубайы коронавирус жуктуруп алды деген маалыматты четке какты.

“Менин жубайым тууралуу айтылып жаткан сөздөр калп. Анын абалы жакшы жана эч кандай оорунун белгилери жок. Анын эң жакыны менмин. Башкалар кайсы жакынына таянганын билбеймин”, - деди Текебаев.

Белгилей кетсек, мурдагы депутат Өмүрбек Текебаев жана анын жубайы Айгүл ооруп калышканын жакын туугандарына таянып, жергиликтүү басылмалардын бири жазып чыккан.

Анда Өмүрбек Текебаевдин дене табы көтөрүлүп, үйдө жатканы, ал эми анын жубайына COVID-19 диагнозу коюлгандыктан ооруканага жаткырылганы айтылган.

Булак: NazarNews.kg