Орусиянын Ички иштер министрлиги (ИИМ) кооптуу оорусу бар мигранттарды өлкөдөн чыгарууну сунуштаган мыйзам долбоорун иштеп чыкты.

Долбоордо каралгандай, коопту делген ВИЧ-инфекциясы, гепатиттин В жана С түрлөрү, кургак учук, күйдүргү, кара тумоо, коронавус өңдүү илдеттер менен ооруган мигранттар Россиянын аймагынан депортацияланат.

Буга чейин, Орусиянын премьер-министри Михаил Мишустин “Коронавирусту жугузуп алган чет өлкөлүктөрдү депортациялоого мүмкүнчүлүк берилет. Биз алды менен өз жарандарыбыздын коопсуздугу жана саламаттыгы тууралуу ойлонушубуз керек”,-деп билдирген.

5-февралда Кытайдын Ухань шаарынан Тюмень облусуна 144 адам эвакуацияланган. Орусиянын вице-премьери Татьяна Голикованын айтымында, орус учактары менен алынып келинген чет өлкөлүктөр карантин аяктагандан кийин өз өлкөлөрүнө кете алышат. Буга чейин Орусия Кытай менен аба жана темир жол байланышын токтоткон.

Булак:NazarNews.kg