Мунай экспорттоодо Орусиянын рубль менен эсептешүүгө өтүүсү Кыргызстанда маселе жаратпайт. Бул туурасында экономика жана коммерция министри Данияр Амангелдиев билдирди.

Белгилей кетсек, кечээ, 23-мартта, президент Владимир Путин Европага жеткирилген газ үчүн эсептешүүну Орусия рублга өткөрөөрүн билдирген жана бул тапшырманы аткарууга өкмөткө бир жума убакыт берген.

"Орусия тарап мунай продукцияларын рубль менен сата турганын жарыялады. Бүгүнкү күндө россиялык кесиптештер биржадагы баа боюнча рубль менен келишим түзүүгө даяр. Бул бизге эч кандай маселе жаратпайт", — деди министр.

Ошондой эле, Амангелдиев өлкөнүн каржылык системасы экспорттук-импорттук операцияларды бардык валютада жүргүзүүгө даяр экенин белгиледи.

Булак: NazarNews.kg