Орусия: "Гряниковка конушун көзөмөлгө алдык"

Журналист: NAZARNEWS

19.02.2023, 10:49

12643

дүйнө жүзүндө

Орусиянын Коргоо министрлиги орус армиясынын Харьков облусундагы Гряниковка конушун көзөмөлгө алганын билдирди.

Министрликтин басма сөз катчысы Игорь Конашенков орус армиясынын Орусия-Украина согушундагы аракеттери тууралуу билдирүү жасады.

Орус армиясынын Украинадагы согушун улантканын белгилеген Конашенков: "Купянск багытындагы Россиянын Батыш күчтөрү тобу аскерлеринин чабуулдарынын натыйжасында Харьков облусундагы Гряниковка калктуу пункту толук бошотулду", - деди.

Ар башка аймактарда 400гө жакын украиналык аскердин таасирсиз абалга келтирилгенин билдирген Конашенков, Украина армиясына таандык 11 учкучсуз учуучу аппарат жана Америкада жасалган көп стволдуу үч ракета аткыч HIMARS ракетасынын орус коргонуу системалары тарабынан аткыланганын айтты.

Катчы Конашенков: "Учурда Украинага таандык 385 учак, 210 тик учак, 3 миң 172 учкучсуз учуучу аппарат, 404 абадан коргонуу ракеталык комплекси, 7 миң 915 танк жана бронетехника, 1028 көп стволдуу ракета аткыч, 4 миң 133 гаубица жана миномет, 8 миң 440 атайын аскердик унаа жок кылынды",- деди.