"Ош" базарынын аймагында жайгашкан "Берекет универсал" соода борборунун соодагерлери митинг өткөрүп жатышат.

Мэриянын маалыматына караганда, алар имараттын ичиндеги орун үчүн ижара акы көтөрүлгөнүнө нааразы.

Биринчи вице-мэр, райондун башчысы жана Ленин РИИБдин жетекчиси администрация менен сүйлөшүүлөрдү жүргүзүп жатат.

Митингчилер орунга өздөрү ээлик кылса дагы ар бир чарчы метр үчүн 40 сомдон төлөп келишкен. Эми болсо бааны дагы 40 сомго жогорулатуу пландалып жатат. Соодагерлер борбордун администраторун иштен кетирүүнү талап кылып жатышат.

Булак: NazarNews.kg