Бүгүн, 18-июль күнү Ош облусундагы сел кесепеттерин жоюуга ӨКМден 40 техника, 370 куткаруучу, 15 мотопомпа, Жарандык коргонуу кызматынан 22 инженердик техника жана 19 мотопомпа тартылды. Бул тууралуу  ӨКМ билдирди. 

Ал эми жарандарды таза суу менен камсыз кылуу үчүн 2 өрт өчүрүүчү авто унаа иштеп жатат.

Кара-Суу райондук Жарандык коргонуу кызматтарынан жалпы 770, Ош облустук Жарандык коргонуу кызматтарынан 50, КР ИИМ Ош облусу боюнча башкармалыгынан 21 милиция кызматкери тартылды.

Белгилей кетсек, кечээ 17-июль күнү селден жабыркаган Ош облусунун Кара-Суу районунун Датка жана Манас айыл аймагында сел кирген турак үйлөр толук тазаланып бүткөрүлдү.

Кошумча маалымат берилет.

Булак: NazarNews.kg