Ош облусуна жаңы жетекчи келди

Журналист: КУМАРА САГЫНАЛИЕВА

16.08.2020, 21:40

17735

адабият

Өкмөттүн Ош облусундагы өкүлү болуп Байыш Юсупов дайындалды. Бул тууралуу “Т.Медиа” өкүлчүлүктүн басма сөз кызматына таянып жазды.

Маалыматка ылайык, жаңы дайындалган өкүлдү расмий таааныштыруу иш-чарасы эртең өтөт.

63 жаштагы Байыш Юсупов буга чейин өкмөттүн Ош облусундагы өкүлүнүн орун басары болуп иштеп келген.

Иш тажрыйбасы:

1979-1988 —жылдары Октябрдын 50 жылдыгы атындагы Ош текстиль комбинатында чебер, улук чебер, цехтин жетекчиси жана өндүрүштүн начальниги кызматтарында иштеген;

1988-1989 — жылдары Ош облустук элдик көзөмөл комитетинде инспектор;

1989-1993 — жылдары Кара-Суу пахта тазалоочу заводунун директору;

1993-2009 — Кара-Суудагы «Ак-Алтын» ишканасынын жетекчиси;

2009-2012 — Кара-Суу райондук мамлекеттик администрация башчысы;

1990-2013 — Кара-Суу шаардык кеңешинин депутаты, андан кийин төрагасы;

2013 — жылдан тарта өкмөттүн Ош облусундагы ыйгарым укуктуу өкүлүнүн биринчи орун басары.

Футбол боюнча спорттун чебери. Кыргызстандын чемпиону "Жаштык — Ак-Алтын" футболдук командасынын негиздөөчүсү.

Ал эми мурдагы жетекчи Узарбек Жылкыбаев 8-августта өз арызынын негизинде кызматтан кеткен.

Булак: NazarNews.kg